DÜNYA


Ukrayna əsirlikdən 60 hərbçisini qaytarıb

Ukrayna əsirlikdən 60 hərbçisini qaytarıb

Kiyev, 6 dekabr, AZƏRTAC

Dekabrın 6-da Ukrayna və Rusiya arasında əsirlərin növbəti mübadiləsi keçirilib. Altmış ukraynalı hərbçi evlərinə qaytarılıb.

AZƏRTAC bu barədə Ukrayna Prezidenti ofisinin rəhbəri Andrey Yermakın teleqram kanalına istinadla xəbər verir.

“Növbəti dəfə əsirlərin mübadiləsi aparıldı. Ukrayna Silahlı Qüvvələri Günündə 60 döyüşçü – 58 kişi və 2 qadın, o cümlədən 15 zabit, 45 sıravi əsgər və serjant öz evinə qayıdır. Bu, bayram günündə ən yaxşı xəbərdir. Çünki qəhrəmanlar sağ qalmalıdırlar. Artıq onları evdə bu xoşbəxtlik anını uzun müddət təsəvvür edən doğmaları gözləyir”, - deyə A.Yermak yazıb.

Yermakın sözlərinə görə, Ukrayna Mariupolun müdafiəçilərini qaytarmaqda davam edir. Bugünkü “60 nəfərlik” siyahıda onlar 34 nəfər, o cümlədən 14 nəfər “Azovstal”dandır.

“Yaralılar var, onlar Ukraynada bütün zəruri yardımı alırlar. Rusiya ərazisində saxlanılanlar da, Yelenovkada olanlar da var”, - deyə o əlavə edib.

Emil Hüseynli

AZƏRTAC-ın xüsusi müxbiri

Kiyev

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.