DÜNYA


İtaliyanın İskya adasındakı torpaq sürüşməsində ölənlərin sayı 12-yə çatıb

İtaliyanın İskya adasındakı torpaq sürüşməsində ölənlərin sayı 12-yə çatıb

Roma, 7 dekabr, AZƏRTAC

İtaliyanın İskya adasında baş vermiş torpaq sürüşməsində ölənlərin sayı 12-yə yüksəlib.

AZƏRTAC xəbər verir ki, təbii fəlakət nəticəsində itkin düşdüyü bildirilən sonuncu şəxsin cəsədi bu gün tapılıb. Beləliklə də, hadisə nəticəsində ölənlərin sayı 12-yə çatıb.

Xatırladaq ki, noyabrın 25-də İskya adasına təxminən 120 millimetr yağıntı düşüb və bu, son 20 ilin ən güclü yağışı olub. Noyabrın 26-da daşqın nəticəsində baş vermiş torpaq sürüşməsində azı 10 bina dağılıb, 230 nəfərədək insan evlərini tərk etmək məcburiyyətində qalıb. Hökumət fəsadların aradan qaldırılması üçün 2 milyon avro ayırıb. Təbii fəlakət adada qeyri-qanuni tikinti problemini də yenidən gündəmə gətirib, araşdırmalara başlanılıb.

Nihad Budaqov

AZƏRTAC-ın xüsusi müxbiri

Roma

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.