DÜNYA


Ər-Riyadda dünyanın ən hündür binası tikiləcək

Ər-Riyadda dünyanın ən hündür binası tikiləcək

Qahirə, 8 dekabr, AZƏRTAC

Səudiyyə Ərəbistanı paytaxt Ər-Riyadda dünyanın ən hündür binasını tikəcək.

AZƏRTAC xəbər verir ki, bu barədə “Middle East Economic Digest” (MEED) nəşri məlumat yayıb.

Ər-Riyad göydələninin hündürlüyü iki min metr olacaq və bu, hazırda dünyada göstəricisinə görə rekord sayılan Dubayın “Bürc Xəlifə” binasından iki dəfədən də artıqdır. “Bürc Xəlifə”nin hündürlüyü 828 metrdir.

MEED-in xəbərində qeyd olunub ki, göydələn Ər-Riyadın ətrafında salınan və Səudiyyə İctimai İnvestisiya Fondu tərəfindən maliyyələşdirilən 18 kilometrlik yeni biznes mərkəzində tikiləcək. Bu ərazi Kral Xalid Beynəlxalq Hava Limanının yaxınlığında yerləşir. Regionun inşaat mütəxəssisləri bildiriblər ki, dünyanın ən hündür binasının tikintisi rekord məbləğə - təqribən 5 milyard dollara başa gələcək. Artıq arxitektorlar, dizaynerlər və tikinti üzrə mütəxəssislər 1 milyon dollar giriş haqqı ödəmək şərti ilə qüllənin layihəsinin hazırlanmasında iştirak etmək üçün müsabiqəyə dəvət alıblar. Onların arasında “Skidmore”, “Owings & Merrill” (SOM), “Adrian Smith və Gordon Gill Architecture” kimi böyük kompaniyalar var.

Oqtay Bayramov

AZƏRTAC-ın xüsusi müxbiri

Qahirə

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.