İDMAN


Futbol üzrə dünya və Avropa çempionatlarının formatı dəyişib

Futbol üzrə dünya və Avropa çempionatlarının formatı dəyişib

Bakı, 26 yanvar, AZƏRTAC

UEFA Millətlər Liqası, futbol üzrə Avropa və dünya çempionatlarının seçmə mərhələlərinin formatında dəyişiklik edilib.

AZƏRTAC xəbər verir ki, bu barədə qərar UEFA-nın İcraiyyə Komitəsinin yanvarın 25-də keçirilən iclasında verilib.

Dəyişikliyə əsasən, Avropa və dünya çempionatlarının seçmə mərhələlərində dörd və ya beş komandadan ibarət 12 qrup olacaq. Qrup qalibləri növbəti mərhələyə birbaşa vəsiqə qazanacaqlar. İkinci yeri tutan komandalar isə ya birbaşa, ya da pley-off mərhələsi matçlarından sonra növbəti raunda yüksələcəklər.

UEFA Millətlər Liqasında isə "dördlər finalı"ndan əvvəl pley-off oyunları keçiriləcək. A Liqasında qrup qalibləri ilə ikincilər bir-biriləri ilə iki mərhələdən ibarət oyun keçirəcəklər. Qaliblər "dördlər finalı"na yüksələcək.

Bundan başqa, A Liqasında qrupu üçüncü bitirənlər B Liqasında qrup ikinciləri, B Liqasında üçüncü olanlar isə C Liqasının ikinciləri ilə aşağı düşməmək və ya yuxarı liqaya qalxmaq üçün oyunlar keçirəcəklər.

Yeni qaydalar 2024-cü il Avropa çempionatının final mərhələsindən sonra tətbiq ediləcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.