SİYASƏT
ATƏT-in fəaliyyətdə olan sədri Azərbaycanın Tehrandakı səfirliyinə hücumu qətiyyətlə pisləyib
Vyana, 28 yanvar, AZƏRTAC
ATƏT-in fəaliyyətdə olan sədri, Şimali Makedoniyanın xarici işlər naziri Buyar Osmani Azərbaycanın Tehrandakı səfirliyinə silahlı hücumu qətiyyətlə pisləyib və günahkarların məsuliyyətə cəlb olunmasına çağırıb.
AZƏRTAC xəbər verir ki, bu barədə B.Osmani tviter hesabında bildirib. O, diplomatik nümayəndəliklərə hücumların qəbuledilməz olduğunu qeyd edib.
ATƏT-in fəaliyyətdə olan sədri silahlı hücum zamanı həlak olan mühafizə xidmətinin rəisinin ailəsinə başsağlığı verib, yaralıların tezliklə sağalmasını arzulayıb.
Elgün Niftəli
AZƏRTAC-ın xüsusi müxbiri
Vyana