Belçikanın Brügge şəhərində Azərbaycan milli günləri keçirilib
AzerTAg.az
Brüssel, 1 fevral, AZƏRTAC
Belçikanın tarixi Brügge şəhərində yerləşən, Avropa İttifaqının nüfuzlu təhsil müəssisəsi olan Avropa Kollecində Azərbaycan milli günləri keçirilib.
AZƏRTAC xəbər verir ki, milli günlər çərçivəsində gənc pianoçu Etibar Əsədlinin caz-muğam konserti təşkil edilib, milli mətbəx təqdimatı və müxtəlif ölkələrdən olan kollecin tələbələri arasında Azərbaycanla bağlı müsabiqə keçirilib. Qaliblərə suvenirlər təqdim olunub.
Tədbir Avropa Kollecində təhsil alan tələbələrimiz Xəyyam Rzazadə, Elvin Hacıyev və Necla Ayvazinin təşəbbüsü və təşkilatçılığı, Azərbaycanın Belçikadakı səfirliyinin dəstəyi ilə baş tutub.
Tələbələr səfirliyimizə dəstəyə görə təşəkkürlərini bildiriblər.
Vüqar Seyidov
AZƏRTAC-ın xüsusi müxbiri
Brüssel
Xəbərin mətnində orfoqrafik səhv var
