AzMİU: Karyera sərgisində tələbə və məzunlar üçün iş imkanları təklif ediləcək

Bakı, 30 mart, AZƏRTAC

Azərbaycan Memarlıq və İnşaat Universitetində (AzMİU) növbəti dəfə tələbə və məzunlar üçün karyera sərgisi keçiriləcək.

AzMİU-dan AZƏRTAC-a bildirilib ki, məşğulluğun artırılması məqsədilə keçirilən sərgidə 70-dən çox dövlət qurumu, müəssisə və təşkilat ümumilikdə 200-dən çox vakansiya və təcrübə proqramı ilə iştirak edəcək.

Sərgidə iştirakçı qurumlar tərəfindən AzMİU tələbə və məzunlarına ixtisasları üzrə məşğulluq, iş və təcrübə imkanları təklif ediləcək.

Karyera sərgisi aprelin 4-də AzMİU-nun idman kompleksində təşkil olunacaq.