“Qalatasaray” və “Beşiktaş”ın futbolçuları Azərbaycan millisinə dəvət olunublar

Bakı, 31 mart, AZƏRTAC

Qadın futbolçulardan ibarət Azərbaycan millisinin heyəti açıqlanıb.

AZƏRTAC AFFA-ya istinadla xəbər verir ki, Türkiyə ilə keçiriləcək yoldaşlıq görüşlərinə 23 oyunçu çağırılıb.

Millimizin heyətində Aytac Şərifova, Nərgiz Hacıyeva (hər ikisi “Trabzonspor”, Türkiyə), Günay İsmayılova, Sona Rəhimova, Vüsalə Hacıyeva, Vüsalə Seyfəddinova (hamısı “Amedspor”, Türkiyə), Nərgiz Əliyeva, Jalə Məhsimova (hər ikisi “KDZ Ereğli Bələdiyyə Spor”, Türkiyə), Göknur Güləryüz, Nazlıcan Parlak (hər ikisi “Fənərbağça”, Türkiyə), Ayşən Əhmədova (“Fomget ve Genclik Spor”, Türkiyə), Kamilla Məmmədova, Coşqunə Əliyeva (hər ikisi “Kayseri””, Türkiyə), Kristina Bakarandze (“Qalatasaray”, Türkiyə), Yeliz Acar, Peritan Bozdağ, Bilge Su Koyun (hamısı “Fatih Vatan”, Türkiyə), Esra Manya (“Beşiktaş”, Türkiyə), Nigar Mirzəliyeva (“Zenit”, Rusiya), Diana Məmmədova (“Yenisey”, Rusiya), Sevinc Cəfərzadə (“Krasnodar”, Rusiya), Manə Mollayeva və Firəngiz Teymurova (8 – İOEUGiM) yer alıblar.

Qeyd edək ki, Azərbaycanla Türkiyə arasında yoldaşlıq oyunları aprelin 8-də və 11-də “Dalğa Arena”da keçiriləcək.