Fevralda POS-terminalların sayı 25 faiz artıb

Bakı, 1 aprel, AZƏRTAC

Bu ilin fevralında bankomatların sayı 2,7 faiz, POS-terminalların sayı 25 faiz artıb.

AZƏRTAC Mərkəzi Banka istinadla xəbər verir ki, banklar və “Azərpoçt” MMC-nin ödəniş xidməti şəbəkələri üzrə dinamik artım müşahidə olunur.

Fevralın 28-nə fəaliyyət göstərən 25 bankın filiallarının sayı 490, şöbələrinin sayı 94, ATM-lərin sayı 3003 olub. Hesabat ayında bank sektorunda çalışanların sayı 0,7 faiz və ya 170 nəfər artaraq 23 min 40 nəfər təşkil edib.