Bakı, 9 iyun, AZƏRTAC

Cari ilin yanvar-aprel aylarında İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinə təbii inhisar subyektlərinin göstərdiyi xidmətlərlə əlaqədar 297 müraciətə baxılıb.

Dövlət Xidmətindən AZƏRTAC-a bildirilib ki, bu müraciətlərdən 64-ü təmin edilib, 9 müraciətdə araşdırma aparılıb və ərizədə qeyd olunan faktlar aşkarlanmayıb, 95-də vətəndaşlara qanunamüvafiq izahat və tövsiyə verilib, 1-i baxılması üçün aidiyyəti orqanlara göndərilib, 13-nə rəy və təklif verilib. Hazırda 115 müraciət üzrə araşdırmalar davam edir.