Bakı, 9 iyun, AZƏRTAC

Bu ildən etibarən tibb təhsilində dövlət sifarişli yerlərin sayı artırılacaq.

AZƏRTAC xəbər verir ki, bunu Elm və Təhsil Nazirliyinin Aparat rəhbərinin müavini, Elm, ali və orta ixtisas təhsili şöbəsinin müdiri vəzifəsini icra edən Yaqub Piriyev media nümayəndələri ilə keçirilən görüşdə deyib.

Onun sözlərinə görə, 2023-2024-cü tədris ilindən etibarən tibb təhsilinə qəbul olan tələbələrin 91 faizi dövlət sifarişi əsasında təhsil alacaqlar.