Bakı, 10 iyun, AZƏRTAC

Əmək və Əhalinin Sosial Müdafiəsi Nazirliyi tərəfindən Dünya Bankının maliyyə dəstəyi ilə icra olunan “Məşğulluğa dəstək layihəsi” ilə bağlı Ağsu və Kürdəmir rayonlarında ictimai dinləmələr keçiriləcək.

Nazirliyin İctimaiyyətlə əlaqələr şöbəsindən AZƏRTAC-a verilən məlumata görə, həmin tədbirlər zamanı layihənin hədəf və məqsədləri, əhatə dairəsi, icrası zamanı ətraf mühit və sosial məsələlərə dair tələblər, proqramın gözlənilən faydaları, eləcə də müraciət və iştirak qaydalarına dair iştirakçılara ətraflı məlumat veriləcək.

İctimai dinləmələr 2023-cü il iyunun 13-ü saat 13:00-da Ağsu rayonunda Ağsu Tədris Mərkəzində, Kürdəmir rayonunda isə həmin gün saat 15:00-da Yeni Azərbaycan Partiyasının binasında keçiriləcək.