TURAN MİRZƏYEV AĞIRLIQQALDIRMA YARIŞLARINDA DÖRDÜNCÜ YERİ TUTMUŞDUR

AZƏRTAC xəbər verir ki, Azərbaycan komandasının daha bir ağırlıqqaldıranı – 69 kiloqram çəki dərəcəsində çıxış edən Turan Mirzəyev avqustun 18-də Afinada öz gücünü sınamışdır.

Birdən ağırlıqqaldırmada 147,5 kiloqram nəticə göstərən idmançımızın Olimpiadanın mükafatçıları sırasına çıxmaq imkanı vardı. Lakin təkanla ağırlıqqaldırmada ikinci cəhddə 185 kiloqram çəkinin öhdəsindən gələn Turan sonra 190 kiloqramlıq ştanqı qaldıra bilmədi. Beləliklə, o, iki hərəkətin yekununa görə 332,5 kiloqram nəticə göstərərək dördüncü yeri tutdu. Olimpiadanın medallarını isə, müvafiq surətdə Çin, Koreya və Xorvatiya idmançıları qazandılar.