İDMAN


AĞASI MƏMMƏDOV AFİNA OLİMPİADASINDA ÖZÜNƏ AZI ÜÇÜNCÜ YERİ TƏMİN ETMİŞDİR

AZƏRTAC xəbər verir ki, avqustun 23-də Afina Olimpiadasında boks yarışlarının növbəti 1/4 final görüşləri keçirilmişdir.

Azərbaycan boksçularının lideri, dünya çempionu Ağası Məmmədov Ukrayna idmançısı Maksim Tretyak ilə qarşılaşmışdır. Ağası əsl idmançı keyfiyyətləri nümayiş etdirərək, bütün dörd raund ərzində üstünlüyü əldə saxlamış və nəticədə 32:12 hesabı ilə inamlı qələbə qazanmışdır.

Beləliklə, idmançımız yarımfinala çıxmışdır. Bu isə o deməkdir ki, boksçu özü üçün ən azı bürünc medalı təmin etmişdir. Ağası Məmmədovu təbrik edir və qarşıdakı döyüşlərdə də uğurlar arzulayırıq.

X X X

Ağırlıqqaldıranlarımızın lideri Nizami Paşayev isə azarkeşlərin və məşqçilərin ümidlərini doğrultmamışdır. 94 kiloqram çəki dərəcəsində çıxış edən idmançımız həmin gün keçirilən yarışda birdən ağırlıqqaldırmada ilkin sifariş etdiyi 180 kiloqramı hər üç cəhddə qaldıra bilməmiş və Olimpiadada mübarizəni dayandırmışdır.

Həmin cəki dərəcəsində yarışan digər idmançımız Əlibəy Səmədov zədə almasına baxmayaraq, iki hərəkətin cəminə görə 360 kiloqram nəticə göstərmişdir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.