REGİONLAR
32 il əvvəl itkin düşən Hidayət Qarayevin nəşinin qalıqları Şuşada torpağa tapşırılıb
Şuşa, 1 noyabr, Tahir Ağaməmmədov, AZƏRTAC
Birinci Qarabağ müharibəsində itkin düşmüş hesab edilən və şəxsiyyəti dəqiqləşdirilmiş Qarayev Hidayət Nəsir oğlu Şuşada dəfn olunub.
AZƏRTAC-ın bölgə müxbiri xəbər verir ki, Hidayət Qarayevlə vida mərasimi Yuxarı Gövhər Ağa məscidinin qarşısında keçirilib. Mərasimdə Şuşa rayonunda Azərbaycan Respublikası Prezidentinin xüsusi nümayəndəliyinin, Şuşa Şəhəri Dövlət Qoruğu İdarəsinin, hüquq-mühafizə orqanlarının əməkdaşları və sakinlər iştirak ediblər.
Vida mərasimindən sonra Hidayət Qarayevin nəşi Şuşa şəhər məzarlığında torpağa tapşırılıb.
Qeyd edək ki, Qarayev Hidayət Nəsir oğlu 1927-ci ildə Şuşa şəhərində anadan olub. 1992-ci il mayın 8-də Şuşa şəhəri işğal olunan zaman itkin düşüb. Onun nəşinin qalıqları Xankəndi şəhəri ərazisində aşkarlanıb.
Bölmənin digər xəbərləri
