Bakı, 12 sentyabr, AZƏRTAC

Mərkəzi Seçki Komissiyasının (MSK) sentyabrın 12-də keçirilən iclasında Milli Məclisə seçkilərlə əlaqədar 33 saylı Xətai birinci seçki dairəsindən namizədliyi qeydə alınmış Natiq Cəfərovun müraciətinə baxılıb.

AZƏRTAC xəbər verir ki, bu barədə MSK üzvü Ramiz İbrahimov məlumat verib.

Onun sözlərinə görə, həmin seçki dairəsinin seçki məntəqələrində seçicilərin iradəsinə mane olan hallara rast gəlinmədiyi üçün Natiq Cəfərovun şikayəti təmin edilməyib.