Qubada qəzada ölən və yaralanan gənclərin kimliyi müəyyənləşib - YENİLƏNİB
Quba, 4 may, Elxan Yusifli, AZƏRTAC
Qubada baş verən ağır yol-nəqliyyat hadisəsi zamanı ölən şəxsin kimliyi müəyyənləşib.
AZƏRTAC-ın bölgə müxbiri xəbər verir ki, "Toyota" markalı avtomobilin sürücüsünün idarəetməni itirməsi nəticəsində nəqliyyat vatitəsi yolun kənarındakı maneəyə çırpılıb.
Qəza zamanı maşındakı sərnişin, 2000-ci il təvəllüdlü Beyləqan rayon sakini Yusifli Yusif Cabir oğlu hadisə yerində ölüb.
Sürücü, Quba rayon sakini 2004-cü il təvəllüdlü İbrahimov Heydər Telman oğlu isə xəsarətlər alıb.
01:19
Qubada ölümlə nəticələnən yol-nəqliyyat hadisəsi baş verib.
AZƏRTAC-ın bölgə müxbiri xəbər verir ki, Quba şəhərinin Heydər Əliyev prospektində 77 DB 649 dövlət nömrə nişanlı "Toyota" markalı avtomobil idarəetmədən çıxaraq səkiyə çırpılıb. Hadisə şahidlərinin bildirdiyinə görə, qəza nəticəsində bir nəfər ölüb, bir yaralı isə təcili-tibbi yardım avtomobili ilə Quba rayon Mərkəzi Xəstəxanasına çatdırılıb.
Hadisə yerinə hüquq-mühafizə orqanları əməkdaşları cəlb olunub.
Faktla bağlı araşdırma aparılır.
Bölmənin digər xəbərləri
