Almaniya-Azərbaycan birgə müəssisəsi olan "EUPEC/Azpetrol" şirkəti ölkəmizin neft-qaz layihələrinin gerçəkləşdirilməsinə 300 milyon avro dəyərində sərmayə qoyacaqdır.

Şirkətdən müxbirimizə məlumat vermişlər ki, bu vəsait neft-qaz kəmərlərinin korroziyadan qorunmasının təmin edilməsinə yönəldiləcəkdir. Hazırda şirkətin istehsalat sahəsində 200 min tondan çox boru vardır. Yaxın üç ildə "Azəri" yatağının şərq-qərb bölümlərinin işlənməsini nəzərdə tutan "Faza-2" layihəsi, həmçinin "Şahdəniz" layihəsi üzrə borulara korroziyaya qarşı örtük çəkiləcəkdir.