3x3 basketbol üzrə Azərbaycan milli komandalarının V İslam Həmrəyliyi Oyunlarındakı rəqibləri müəyyənləşib

Bakı, 6 iyul, AZƏRTAC

Kişilərdən və qadınlardan ibarət 3x3 basketbol üzrə Azərbaycan milli komandalarının Türkiyənin Konya şəhərində keçiriləcək V İslam Həmrəyliyi Oyunlarındakı rəqibləri müəyyənləşib.

AZƏRTAC Azərbaycan Basketbol Federasiyasının mətbuat xidmətinə istinadla xəbər verir ki, kişilərdən ibarət millimiz Türkiyə, Mərakeş, Mali və Qabonla birlikdə C qrupunda mübarizə aparacaq. Qadın basketbolçularımız isə D qrupunda Türkmənistan, İndoneziya və Mali seçmələri ilə qarşılaşacaq.

Qeyd edək ki, V İslam Həmrəyliyi Oyunları avqustun 9-18-də təşkil olunacaq.