İDMAN


AZƏRBAYCANIN QADINLARDAN İBARƏT SƏRBƏST GÜLƏŞ ÜZRƏ MİLLİ KOMANDASI AVROPA ÇEMPİONATINDA İŞTİRAK EDƏCƏKDİR

Gənclər və İdman Nazirliyinin mətbuat xidmətindən AZƏRTAC-a bildirmişlər ki, qadınlardan ibarət sərbəst güləş üzrə milli komanda fevralın 13-dən 25-dək Kiyevdə, fevralın 26-dan martın 9-dək isə Minskdə təlim-məşq toplanışı keçməklə yanaşı, həm də beynəlxalq turnirlərdə iştirak edəcəklər.

Baş məşqçi Nazim Əlicanovun rəhbərlik etdiyi komandanın tərkibinə Pekin Olimpiadasına lisenziya qazanmış Mariya Stadnik (48 kq) və Olesya Zamula (63 kq) ilə yanaşı, Sona Əhmədova (59 kq), Elvira Mürsəlova (59 kq), Mariya Kaçina (63 kq), Dina İvanova və Zümrüd Qurbanhacıyeva ( hər ikisi 72 kq) cəlb edilmişlər.

Azərbaycanın qadınlardan ibarət sərbəst güləş üzrə milli komandası aprelin 1-dən 6-dək isə Pekin Olimpiadasına lisenziya qazanmaq üçün Finlandiyanın Tampere şəhərində keçiriləcək Avropa çempionatında iştirak edəcəklər. Lisenziya çempionatda 1-ci yeri tutan idmançılara veriləcəkdir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.