İDMAN


YUNAN-ROMA GÜLƏŞİ VƏ SƏRBƏST GÜLƏŞ ÜZRƏ “QIZIL QRAN-PRİ” TURNİRİ BAŞLANACAQDIR

Bakı, 11 aprel (AZƏRTAC). Aprelin 15-də Daşkənddə “Qızıl Qran-pri” seriyasından yunan-Roma güləşi və sərbəst güləş üzrə növbəti turnir başlanacaqdır. Turnirdə Azərbaycanı 16 idmançı təmsil edəcəkdir. Yığmamızın əsas üzvləri bu yaxınlarda Avropa çempionatında çıxış etdikləri üçün Daşkənd turnirində gənc güləşçilər yarışacaqlar.

Yunan-Roma güləşi üzrə yarışlarda Qədir Süleymanov, Elçin Əliyev (hər ikisi 55 kiloqram), Sakit Cəlilov, Hacıxan Mustafayev (hər ikisi 60 kiloqram), Elşad Səfərov, Emin Əhmədov (66 kiloqram) və Elgiz Məmmədov (84 kiloqram) çıxış edəcəklər.

Sərbəst güləşçilərdən bu yarışlarda Ceyhun Əliyev (55 kiloqram), Xaybulla Şaalov (60 kiloqram), Emin Əzizov, Elmir Qəmbərov (hər ikisi 66 kiloqram), Elnur Aslanov, Elnur Əliyev (hər ikisi 74 kiloqram), Şərif Şərifov (84 kiloqram), Cəmaləddin Məhəmmədov (96 kiloqram) və Maksim Proxorov (120 kiloqram) iştirak edəcəklər.

“Qızıl Qran-pri” turniri aprelin 18-də başa çatacaqdır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.