RƏSMİ XRONİKA


AZƏRBAYCAN PREZİDENTİ İLHAM ƏLİYEV “EUROVİSİON-2009” MAHNI MÜSABİQƏSİNDƏ BÖYÜK QƏLƏBƏ QAZANMIŞ AYSEL VƏ ARAŞI TƏBRİK ETMİŞDİR

Bakı, 17 may (AZƏRTAC). Mayın 17-də Azərbaycan Respublikasının Prezidenti İlham Əliyev “Eurovision-2009” mahnı müsabiqəsində böyük qələbə qazanmış Aysel Teymurzadəni və Araşı təbrik etmişdir.

Dövlətimizin başçısı İlham Əliyev Aysel və Araş ilə telefonla danışaraq, Azərbaycanı Avropa miqyasında layiqincə təmsil etmiş bu gənclərin qazandığı nailiyyəti yüksək qiymətləndirmiş, onlara yeni yaradıcılıq uğurları arzulamışdır.

Azərbaycan təmsilçiləri qitə miqyaslı müsabiqənin final mərhələsində 25 ölkənin musiqiçiləri arasında üçüncü yeri tutmuşlar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin