İDMAN


Taekvondo üzrə Azərbaycan millisi “Korea Open”  beynəlxalq turnirində mübarizə aparır

Bakı, 25 iyul, AZƏRTAC

Koreya Respublikasının Çunçeon şəhərində “Korea Open” beynəlxalq turniri keçirilir. G2 kateqoriyalı beynəlxalq turnirdə taekvondo üzrə böyüklərdən ibarət Azərbaycan milli komandası da təmsil olunur. Millimiz hazırda Koreya Respublikasındadır.

Azərbaycan Taekvondo Federasiyasından AZƏRTAC-a bildiriblər ki, yarışda reytinq xalları uğrunda 12 idmançımız mübarizəyə qoşulacaq. Məşqçi heyəti turnirə kişi taekvondoçulardan Xanruh Fətullayev (-58 kq), Məhəmməd Məmmədov, Sina Bahrami (hər ikisi -63 kq), Ayxan Tağızadə (-68 kq), Səid Quliyev (-74 kq), Milad Beigi Herçəqanı (-80 kq), Ramin Əzizov (-87 kq) və Radik İsayevə (+87 kq), qadın idmançılardan isə Təranə Məmmədova (- 46 kq), Partimat Abakarova (-49 kq), Marina Tedeeva (- 62 kq) və Daria Şkurkoya (-62 kq) şans verib.

Kişilərdən ibarət yığma komandanın baş məşqçisi Reza Mehmandoust, böyük məşqçi Elnur Amanov, qadınların baş məşqçisi Sun Mi Parkın rəhbərliyi ilə yarışda mübarizə aparan komandamız iyulun 28-də Vətənə qayıdacaq.

Lakin qadınlardan ibarət millimiz turnir başa çatandan sonra təlim-məşq toplanışını Koreya Respublikasında davam etdirəcək.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.