AAYDA tərəfindən son həftə ərzində görülən işlər barədə məlumat yayılıb

Bakı, 22 may, AZƏRTAC

Azərbaycan Avtomobil Yolları Dövlət Agentliyi tərəfindən mayın 15-dən 22-dək olan müddətdə respublikada yol infrastrukturunun bərpası sahəsində həyata keçirilən işlər barədə məlumat açıqlanıb.

Agentliyin İctimaiyyətlə əlaqələr şöbəsindən bildirilib ki, sözügedən müddətdə Masallıda 51 min əhalinin istifadə etdiyi yolun əsaslı təmiri davam edir, Kəlbəcərdə müxtəlif təyinatlı yollar qardan təmizlənib, Neftçala rayonunda 11 yaşayış məntəqəsinin yolları yenidən qurulur.

Həmçinin Salyanda 16 min əhalinin istifadə etdiyi yollar yenidən qurulur, Qəbələ və Oğuz rayonlarından olan vətəndaşların qəbulu keçirilib.