ABA Əlil Sahibkarlar Təşkilatı İctimai Birliyi ilə birgə layihələrin təşkilini müzakirə edib

Bakı, 26 may, AZƏRTAC

“Azərbaycan Banklar Assosiasiyası” İctimai Birliyi (ABA) ilə Əlil Sahibkarlar Təşkilatı İctimai Birliyi (ƏSTİB) arasında görüş keçirilib.

ABA-dan AZƏRTAC-a bildirilib ki, görüşdə hər iki ictimai birlik arasında birgə layihələrin təşkili, əlilliyi olan şəxslərin özünüməşğulluq proqramlarına cəlb edilməsi və onlara zəruri dəstəyin göstərilməsi məsələləri müzakirə edilib. Eyni zamanda, bu yaxınlarda açılışı olmuş Əlil Sahibkarlar Təşkilatı İctimai Birliyi nəzdində fəaliyyət göstərən Paratrap Atıcılıq İdman növü üzrə klub haqqında məlumat verilib, klubun gələcək fəaliyyətində ABA ilə əməkdaşlıq çərçivəsində müvafiq dəstəyin göstərilməsi istiqamətində fikir mübadiləsi aparılıb.