Bakı, 5 iyun, AZƏRTAC

ABŞ Dövlət katibi Antoni Blinken Türkiyə Prezident Rəcəb Tayyib Ərdoğanın açıqladığı yeni kabinetdə xarici işlər naziri vəzifəsinə təyin olunan Hakan Fidanı təbrik edib.

AZƏRTAC xəbər verir ki, bu barədə Blinken tviter hesabında paylaşım edib.

Paylaşımında Türkiyənin Xarici İşlər Nazirliyi ilə işləməyə davam etməyi səbirsizliklə gözlədiyini bildirən Blinken, Türkiyənin NATO, müttəfiq və tərəfdaş kimi dəyərli olduğunu vurğulayıb.