DÜNYA
ABŞ GÜRCÜSTANIN NATO-YA DAXİL OLMAQ SƏYLƏRİNİ DƏSTƏKLƏYİR
Prezident Eduard Şevardnadze mərasimdə çıxış edərək, Gürcüstan silahlı qüvvələrinin hazırlıq səviyyəsini NATO standartlarına yaxınlaşdırmağın zəruriliyini vurğulamışdır. O, ümidvar olduğunu bildirmişdir ki, silahlı qüvvələr NATO standartlarına cavab verdikdən sonra Gürcüstanı Şimali Atlantika blokuna qəbul edəcəklər. Dövlət başçısı demişdir ki, Gürcüstan kommandosları üçün ABŞ-ın “öyrət və təchiz et” proqramı (may 2002-ci il – may 2004-cü il) ölkə silahlı qüvvələrinin NATO tələblərinə yaxınlaşması istiqamətində mühüm addımdır. O xatırlatmışdır ki, Gürcüstan NATO-ya daxil olmaq istədiyini hələ ötən ilin nöyabrında rəsmi surətdə bəyan etmişdir.
ABŞ-ın Tbilisidəki səfiri Riçard Mayls mərasimdə bildirmişdir ki, onun ölkəsi Gürcüstanın NATO-ya daxil olmaq səylərini dəstəkləyir.