AZƏRTAC-ın Afinadan aldığı xəbərdə deyilir ki, ABŞ yığma komandasının ən ümidverici idmançılarından biri Oyunlar başlanmamış medallar uğrunda mübarizə aparmaq hüququndan məhrum edilmişdir. 100 metr məsafəyə qaçışda dünya çempionu Torri Edvards dopinq qəbul etdiyinə görə 2 il müddətinə idmandan uzaqlaşdırılmışdır. Məlum olmuşdur ki, 27 yaşlı qaradərili idmançı qız cari ilin aprelində niketamin stimulyatoru qəbul etmişdir.

Edvardsın Afina Olimpiadasına buraxılmaması ABŞ yığması üçün itki hesab olunur, çünki dünya çempionu Oyunlarda yaxın məsafələrə, xüsusən də 100 metr məsafəyə qaçışda qalib adına əsas namizədlərdən biri idi.