DÜNYA


ABŞ Prezidenti Yaponiyanın İmperatoru ilə görüşüb

Tokio, 27 may, AZƏRTAC

Mayın 27-də ABŞ Prezidenti Donald Tramp ilk əcnəbi lider olaraq Yaponiyanın yeni İmperatoru Naruhito ilə görüşüb.

AZƏRTAC xəbər verir ki, ABŞ Prezidenti və onun xanımının İmperator Naruhito və İmperatriçə Masako ilə görüşü Tokioda İmperator sarayında baş tutub.

Belə görüşlər Yaponiyaya gələn istənilən qonaq üçün daha rəsmi və mühüm ehtiram əlaməti kimi yüksək qiymətləndirilir.

Görüşdən əvvəl qonaqların rəsmi qarşılanma mərasimi keçirilib. Yüksəksəviyyəli qonaqları Yaponiya özünümüdafiə qüvvələrinin fəxri qarovul dəstəsi salamlayıb.

Həmin gün axşam İmperator cütlüyü tərəfindən qonaqların şərəfinə dövlət ziyafəti veriləcək.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.