DÜNYA


ABŞ Ukrayna münaqişəsinin ilin sonunadək nizamlanacağına şübhə ilə yanaşır

Bakı, 30 iyun, AZƏRTAC

Vaşinqton Ukrayna münaqişəsinin ilin sonuna qədər yekunlaşacağına şübhə ilə yanaşır.

AZƏRTAC Bloomberg agentliyinə istinadla xəbər verir ki, bu barədə ABŞ Milli Təhlükəsizlik Şurasının nümayəndəsi Con Kirbi NATO-nun Madriddə keçirilən sammiti zamanı deyib.

“Bu səbəbdən biz əksər dünya ölkələri ilə birlikdə Ukraynaya yardımı davam etdirəcəyik”, - deyə Con Kirbi bildirib.

Sammitdən öncə NATO-nun Baş katibi Yens Stoltenberq blokun şərq cinahındakı hərbi birləşməsinin sayının 300 min nəfərədək artırılacağını bəyan edib. Jurnalistlərin bununla bağlı suallarını cavablandıran Con Kirbi NATO-nun şərq cinahında hərbi kontingentin sayındakı dəyişikliyi təxribat hesab etmək üçün Rusiyanın heç bir əsasının olmadığını vurğulayıb.

“Biz bu addımları atmağa məcburuq, çünki Rusiya regionda sabitliyi pozur”, – deyə ABŞ Milli Təhlükəsizlik Şurasının nümayəndəsi əlavə edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.