ELM VƏ TƏHSİL


ABŞ arxeoloqları Naxçıvan ərazisindəki abidələrin öyrənilməsində iştirak edəcəklər

Bakı, 24 may, AZƏRTAC

ABŞ arxeoloqları AMEA-nın Milli Azərbaycan Tarixi Muzeyində olublar.

Bu barədə AZƏRTAC-a muzeydən bildirilib. Müəssisənin baş direktoru akademik Nailə Vəlixanlı ilə görüşdə qonaqlara muzeyin tarixi, arxeoloji kolleksiyası və irsinin qorunması, tədqiqi və təbliğindəki rolu haqqında məlumat verilib.

ABŞ arxeoloqlar qrupunun rəhbəri Loren Ristfet Azərbaycana, eləcə də muzeyə gəlişlərinin səbəbini açıqlayıb. O, rəhbəri olduğu heyətin yerli arxeoloqlarla birgə beynəlxalq ekspedisiyanın tərkibində Naxçıvan ərazisindəki Son Tunc-Erkən Dəmir dövrü abidələrinin öyrənilməsində yaxından iştirak edəcəyini bildirib.

Həmçinin görüş zamanı qeyd olunan beynəlxalq ekspedisiya nəticəsində vaxtilə tapılan bəzi maddi nümunələrin hazırda muzeyin arxeoloji kolleksiyasında qorunduğu vurğulanıb.

Görüşdən sonra xarici arxeoloqlar muzeydə təşkil olunan “Nizami Gəncəvi və Azərbaycan Atabəyləri dövləti” sərgisi ilə tanış olublar.

 

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.