CƏMİYYƏT


ABŞ-da Vətən müharibəsi şəhidlərinin xatirəsi yad edilib

Bakı, 27 sentyabr, AZƏRTAC

Azərbaycan diasporu ABŞ-ın Şimali Karolina ştatının Roli şəhərindəki Kapitol binası qarşısında 27 sentyabr – Anım Günü ilə əlaqədar aksiya keçirib.

Diasporla İş üzrə Dövlət Komitəsindən AZƏRTAC-a bildirilib ki, Azərbaycan Dostluq Təşkilatının təşkilatçılığı ilə gerçəkləşdirilən anım mərasimində Şimali Karolina ştatında yaşayan Azərbaycan icmasının üzvləri iştirak ediblər. Anım mərasimi Azərbaycanın ərazi bütövlüyünün təmin olunması uğrunda həlak olan şəhidlərin xatirəsinin 1 dəqiqəlik sükutla yad edilməsi ilə başlayıb.

Tədbirdə Azərbaycan, Türkiyə və ABŞ-ın dövlət bayraqları dalğalandırılıb, “Şəhidlər ölməz!”, “Şəhidlər heç vaxt unudulmur!”, “Anım Günü!”, “Biz 27 sentyabr Vətən müharibəsi şəhidlərini hörmət və ehtiramla anırıq!”, “Azərbaycana ədalət!”, “Qarabağ Azərbaycandır!”, “Vətən var olsun”, “Ermənistanın Qarabağ ərazisini minalaması Azərbaycan jurnalistlərinin həyatına son qoydu”, “Biz sülh istəyirik!” və sair şüarlar yerli ictimaiyyətin nəzərinə çatdırılıb.

Mərasim çərçivəsində təşkil olunan anım guşəsində həlak olmuş əsgər və zabitlərimizin, eləcə də Ermənistanın “Smerç” raketləri və ağır artilleriya ilə Azərbaycanın Gəncə, Bərdə, Tərtər və digər şəhərlərinə məkrli hücumu nəticəsində həyatını itirən mülki vətəndaşlarımızın və uşaqların fotoşəkilləri nümayiş etdirilib. Guşənin önündə güllər düzülüb və şamlar yandırılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.