DÜNYA


ABŞ-da daha 1,5 milyon insan işsizlik müavinəti üçün müraciət edib

Vaşinqton, 19 iyun, AZƏRTAC

Daha 1,5 milyon amerikalı işsizlik müavinəti almaq üçün müraciət edib.

AZƏRTAC xəbər verir ki, bu barədə məlumat cümə axşamı günü ABŞ Əmək Nazirliyinin həftəlik hesabatında yer alıb. Hesabatda bildirilir ki, ümumilikdə 1 milyon 508 min yeni ərizə qeydə alınıb, bu da əvvəlki həftə ilə müqayisədə 58 min azdır. Əksər iqtisadçıların proqnozlarına görə, yeni müraciətlərin sayı 1,3 milyona çatmalı idi.

Nazirliyin ötən həftənin nəticələrinə dair daha 24 min ərizənin əlavə olunduğu hesabatına yenidən baxılıb. Beləliklə, işsizlik səviyyəsi dəyişməyərək 14,1 faiz həddində qalıb.

Koronavirus pandemiyası başlayandan bəri 44 milyondan çox amerikalı, artıq onlardan çoxunun öz işlərinə qayıtmasına baxmayaraq, işsizlik müavinəti almaq üçün müraciət edib. Nazirliyin bundan əvvəlki hesabatına görə, may ayında ABŞ-da daha 2,5 milyon iş yeri açılıb.

AZƏRTAC-ın Vaşinqton bürosu

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.