DÜNYA


ABŞ-da yanacağın rekord dərəcədə bahalaşması davam edir

Vaşinqton, 16 may, AZƏRTAC

Vaşinqtonun Rusiyaya qarşı sanksiyaları ABŞ iqtisadiyyatına zərbə vurmaqda davam edir.

AZƏRTAC xəbər verir ki, təkcə son bir həftə ərzində yanacağın qiyməti maksimum səviyyəni dörd dəfə təzələyib.

Neft və Qaz Assosiasiyasının rəhbəri Tim Stüart son yarım əsrdə energetika sahəsində yaranmış ən pis vəziyyətə görə Bayden administrasiyasını təqsirləndirib. Stüart bəyan edib ki, ABŞ hakimiyyət orqanlarının bu vəziyyətdən çıxmağa kömək edə biləcək strategiyası yoxdur.

ABŞ hökuməti benzinin qiymətinə təzyiqi zəiflətmək üçün artıq iki dəfə strateji ehtiyatlara müraciət edib. Keçən il noyabr ayında Prezident administrasiyası strateji ehtiyatlardan 50 milyon barel yanacaq buraxılmasına icazə verib, çünki yanacaq tədarükü ilə bağlı problemlər enerji bazarında effektivliyi azaldır. Martın 1-də Rusiya-Ukrayna münaqişəsi ilə əlaqədar qiymət təzyiqinə davam gətirmək üçün Prezident Bayden daha 30 milyon barel neft buraxılması barədə sərəncam imzalayıb.

AZƏRTAC-ın Vaşinqton bürosu

 

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.