DÜNYA


ABŞ-ın 20 ştatı Co Baydenin miqrasiya siyasətinə qarşı iddia qaldırıb

ABŞ-ın 20 ştatı Co Baydenin miqrasiya siyasətinə qarşı iddia qaldırıb

Bakı, 25 yanvar, AZƏRTAC

ABŞ-da respublikaçıların nəzarətində olan 20 ştatının hakimiyyət orqanları federal hakimdən mühacirlərə yardım proqramını dayandırmağı tələb edib.

AZƏRTAC CBC telekanalına istinadla xəbər verir ki, ştatlar ABŞ Prezidenti Co Baydenin miqrasiya siyasətinə qarşı çıxır. Yerli hakimiyyət orqanları hesab edirlər ki, prezident administrasiyası müvafiq proqramı reallaşdırmadan öncə ictimai fikri öyrənməli idi.

Prezidentin yeni kursu çərçivəsində qəbul olunan qərara əsasən, Venesuela, Haiti, Nikaraqua və Kubadan hər ay 30 minə qədər mühacir iki il müddətinə ABŞ-a gələ və burada işləyə bilər.

Sərhəd xidmətinin məlumatına görə, Co Baydenin prezident olduğu 2021-ci ildən bəri Birləşmiş Ştatların cənub sərhədlərini beş milyona yaxın mühacir keçib.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.