DÜNYA


ABŞ-ın dövlət borcu 22 trilyon dolları keçib

Bakı, 13 fevral, AZƏRTAC

ABŞ Maliyyə Nazirliyinin 2019-cu ilin fevralınadək olan məlumatına görə, Birləşmiş Ştatların dövlət borcu 22 milyard dolları keçib.

AZƏRTAC “USA Today” nəşrinə istinadla xəbər verir ki, fevral ayının ilk on günündə dövlət borcu 90 milyard artaraq 22,012 trilyon dolara çatıb. Son on bir ay ərzində isə bu rəqəm 1 trilyon dollaradək artıb.

Nəşrin yazdığına görə, Prezident Donald Trampın dövründə ötən il keçirilən və ABŞ dövlət büdcəsinə 1,5 trilyon dollara başa gələn vergi islahatları, həmçinin müdafiə xərclərinin artması nəticəsində dövlət borcu görünməmiş sürətlə artır.

Bundan əvvəl bildirilib ki, 2018-ci maliyyə ilində ABŞ dövlət büdcəsinin kəsiri 17 faiz artaraq 779 milyard dollara çatıb. Bu rəqəmin 2020-ci ildə 1 trilyona çatacağı ehtimal olunur. Eyni zamanda, hökumətin xərclərinin nəzarət olunmaması fonunda dövlət borcunun sürətli artım tendensiyası da davam edir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.