DÜNYA


ABŞ-ın dövlət katibi Petro Poroşenkonu və Vladimir Putini birbaşa danışıqlara başlamağa çağırıb

Bakı, 27 noyabr, AZƏRTAC

ABŞ-ın dövlət katibi Mayk Pompeo Kerç boğazında baş verən insidentlə bağlı Ukrayna və Rusiya prezidentləri Petro Poroşenkonu və Vladimir Putini yaranmış vəziyyətin nizama salınması üçün birbaşa danışıqlara başlamağa çağırıb.

AZƏRTAC Interfax informasiya agentliyinə istinadla xəbər verir ki, bu barədə ABŞ Dövlət Departamentinin yaydığı bəyanatda deyilir.

Pompeo, həmçinin münaqişənin hər iki tərəfinə səbirli olmağı, öz beynəlxalq öhdəliklərini yerinə yetirməyi xahiş edib və Ukraynada vəziyyətin nizamlanmasına dair “Normand formatını” dəstəklədiyini bildirib.

Xatırladaq ki, noyabrın 25-də Kerç boğazında rusiyalı sərhədçilər silahdan istifadə etməklə Azov dənizinə yollanan Ukrayna Hərbi Dəniz Qüvvələrinə məxsus 3 gəmini, həmçinin 24 ekipaj üzvünü saxlayıb. İnsident nəticəsində 3 ukraynalı dənizçi yaralanıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.