DÜNYA


ABŞ-ın gündəlik neft istehsalı rekord həddə çatıb

Bakı, 8 noyabr, AZƏRTAC 

ABŞ-ın sutkalıq neft hasilatı rekord həddə çatıb.

AZƏRTAC xəbər verir ki, bu barədə ABŞ-ın Enerji İnformasiya Administrasiyası (EIA) məlumat yayıb.

Bildirilir ki, ötən hesabat həftəsində ABŞ-ın gündəlik xam neft hasilatı 11,6 milyon barrelə çatıb. Bu göstərici ölkə tarixində neft istehsalının ən yüksək səviyyəsidir. ABŞ-ın neft hasilatı sonuncu dəfə 1970-ci ilin noyabrında maksimum – gündəlik orta hesabla 10,04 milyon barrel təşkil edib.

EIA-ya görə, ABŞ-ın gündəlik neft istehsalı gələn il 1 milyon 160 min barrel artaraq 12 milyon 60 min barrel olacaq. ABŞ-ın Enerji İnformasiya Administrasiyası daha əvvəl 2019-cu ildə Birləşmiş Ştatlarda neft hasilatının gündəlik 1 milyon 20 min barrel artacağını proqnozlaşdırırdı.

Beynəlxalq Enerji Agentliyinin hesablamalarına əsasən, ABŞ dünyanın ən böyük xam neft istehsalçısı ola bilər.

EIA-nın oktyabr ayı üzrə proqnozuna görə isə ABŞ-ın xam neft istehsalının bu il sutkalıq orta hesabla 10,7 milyon barrel, gələn il 11,8 milyon barrel olacağı gözlənilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.