QAN YADDAŞI


ABŞ-ın müxtəlif şəhərlərində Xocalı soyqırımını tanıdan xüsusi avtomobillər hərəkət edir

Bakı, 27 fevral, AZƏRTAC

Diasporla İş üzrə Dövlət Komitəsinin dəstəyi əsasında Florida ştatında fəaliyyət göstərən Azərbaycan-Amerika Mədəniyyət Assosiasiyasının təşkilatçılığı ilə Sauz Biç, Mayami və Orlando şəhərlərində, Florida Azərbaycan Cəmiyyətinin təşkilatçılığı ilə Sanni ayles Biç şəhərində, Amerika Orta Qərb ştatları üzrə Azərbaycan Mərkəzinin təşkilatçılığı ilə İllinoys ştatının Çikaqo şəhərində, Meyn Azərbaycan Cəmiyyətinin təşkilatçılığı ilə Meyn ştatının Portlənd şəhərində "Xocalıya ədalət" tələbi ilə məlumatlandırma aksiyaları keçirilib.

Komitədən AZƏRTAC-a verilən məlumata görə, "Xocalıya ədalət!" beynəlxalq məlumatlandırma kampaniyası çərçivəsində gerçəkləşdirilən aksiya zamanı üzərində Xocalı soyqırımına dair faktları təqdim edən rəqəmsal plakatlı xüsusi avtomobillər şəhərin mərkəzi küçələrində hərəkət edib. Rəqəmsal plakatlarda Xocalıda erməni silahlı birləşmələrinin törətdiyi qanlı cinayətləri əks etdirən şəkillər və məlumatlar nümayiş edilib.

Xüsusi dizaynlı avtomobillər şəhərlərin mərkəzi küçə və meydanlarından keçərək yerli sakinlərin diqqətini Xocalıda ermənilərin azərbaycanlılara qarşı törətdikləri soyqırımına cəlb ediblər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.