DÜNYA


ABŞ-ın neft və benzin ehtiyatları azalır

Bakı, 14 iyun, AZƏRTAC

ABŞ-ın xam neft və benzin ehtiyatları azalıb.

AZƏRTAC xəbər verir ki, bu barədə ABŞ-ın Enerji İnformasiya Administrasiyasının (EIA) məlumatında deyilir. Bildirilir ki, ABŞ-ın xam neft ehtiyatları ötən hesabat həftəsində 4,1 milyon barrel (0,9 faiz) azalaraq 432,4 milyon barrel olub. Bazar proqnozları isə ehtiyatların 1,4 milyon barrel azalması istiqamətində idi. Əvvəlki həftə ölkənin xam neft ehtiyatları 2,1 milyon barrel artmışdı.

ABŞ-ın strateji neft ehtiyatları isə keçən həftə dəyişməyərək 660,2 milyon barrel təşkil edib.

Ölkənin benzin ehtiyatları da ötən hesabat həftəsində 2,3 milyon barrel (1 faiz) azalaraq 236,8 milyon barrel olub. Bazar proqnozları ehtiyatların 400 min barrel artması istiqamətində idi. Əvvəlki həftə benzin ehtiyatları 4,6 milyon barrel çoxalmışdı.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.