DÜNYA


ABŞ nümayəndəsinin BMT-dəki çıxışı kubalı diplomatların sərt etirazına səbəb olub

Vaşinqton, 18 oktyabr, AZƏRTAC 

ABŞ-ın BMT yanında daimi nümayəndəliyinin təşkil etdiyi Kubaya aid tədbirdə ABŞ nümayəndəsinin çıxışı kubalı diplomatların səs-küylü etirazına səbəb olub.

AZƏRTAC xəbər verir ki, ABŞ-ı təmsil edən səfir Kelli Körrinin çıxışı zamanı kubalı diplomatlar ABŞ-ın Kubaya qarşı blokadasına etiraz olaraq əllərini masaya vuraraq “Kubaya HƏ, blokadaya YOX” şüarını səsləndiriblər.

Kelli Körri bir neçə dəfə BMT-nin təhlükəsizlik xidmətinin əməkdaşlarından kubalıları otaqdan çıxarmalarını xahiş edib. Lakin onlar heç bir müdaxilə etməyiblər. Çünki BMT-nin təhlükəsizlik xidmətinin protokoluna əsasən, akkreditə olunmuş diplomatların toxunulmazlıq hüququ var. Kubalı diplomatlar da BMT tərəfindən akkreditə olunduqlarına görə, onlar toxunulmaz hesab olunur və onlara qarşı heç bir fiziki güc tətbiq edilə bilməz.

Geniş nitqində ABŞ nümayəndəsi Kubada siyasi məhbusların olduğunu vurğulayıb və bu ölkənin hökumətini sərt tənqid edib.

Yusif Babanlı

AZƏRTAC-ın xüsusi müxbiri

Vaşinqton

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.