MƏDƏNİYYƏT


ABŞ turoperatorları Azərbaycanın turizm potensialı ilə tanış olublar

Bakı, 31 oktyabr, AZƏRTAC

ABŞ-ın yəhudi icmasını təmsil edən heyətin tərkibindəki turoperatorlarla yerli turizm şirkətlərinin nümayəndələri arasında tanışlıq görüşü keçirilib.

Dövlət Turizm Agentliyindən AZƏRTAC-a bildirilib ki, B2B (Biznesdən-biznesə) formatında keçən görüşdə Azərbaycanı təmsil edən 70-ə yaxın turizm şirkəti iştirak edib.

İştirakçılar ixtisaslaşdıqları turizm növləri üzrə təklif etdikləri xidmətlər barədə qarşılıqlı fikir mübadiləsi aparıblar.

ABŞ turoperatorları ilə ikitərəfli müzakirələr zamanı mümkün əməkdaşlıq imkanları müzakirə olunub.

Görüş çərçivəsində keçirilən təqdimatlar zamanı qonaqlara Azərbaycanın hotel və qonaqpərvərlik, eləcə də işgüzar tədbirlər sahəsində mövcud potensialı barədə geniş məlumatlar verilib.

Həmçinin Azərbaycanın müxtəlif turizm istiqamətləri üzrə potensialı, turizm marşrutları, qədim memarlıq abidələri və milli mətbəxi barədə təqdimatlar keçirilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.