DÜNYA


ABŞ və NATO Əfqanıstanda sülh sazişinin mümkünlüyünü müzakirə edir

Bakı, 12 fevral, AZƏRTAC

NATO ABŞ-la Əfqanıstanda mümkün sülh sazişinin nəticələrinə dair müzakirələr aparır.

AZƏRTAC xarici KİV-lərə istinadla xəbər verir ki, müzakirələrədə, həmçinin xüsusi nümayəndə Zalmay Xəlilzad da iştirak edir.

Şimali Atlantika Alyansının baş katibi Yens Stoltenberq sazişin baş tutacağı barədə danışmağın hələ tez olduğunu, lakin alyans çərçivəsində ümumi mövqeyin bildirilməsinin vacibliyini vurğulayıb.

“Əfqanıstanda vəziyyət mürəkkəb olaraq qalır. Lakin biz sülh uğrunda cəhdləri də görürük. ABŞ müttəfiqlərini hər zaman məlumatlandırıb. Hazırda mümkün sülh sazişinin nəticələri və NATO-nun onu necə dəstəkləməsi barədə məsləhətləşmələri davam etdiririk”, - deyə Yens Stoltenberq alyansa üzv ölkələrin müdafiə nazirlərinin fevralın 13-14-nə nəzərdə tutulan iclasının astanasında bildirib.

Qeyd edək ki, bir müddət öncə ABŞ hakimiyyət orqanları amerikalı nümayəndələrlə “Taliban” hərəkatı arasında aparılan danışıqlarda “xeyli irəliləyişə” nail olunduğunu vurğulamışdı.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.