REGİONLAR


ADAU-da I kurs magistrantlarla görüş təşkil olunub

Gəncə, 13 oktyabr, Elcan Məmmədov, AZƏRTAC

Azərbaycan Dövlət Aqrar Universitetində (ADAU) 2021/2022-ci tədris ilində magistratura səviyyəsinə qəbul olan baytarlıq, zoomühəndislik, aqronomluq və torpaqşünaslıq ixtisasları üzrə təhsil alan I kurs magistrantlarla görüş keçirilib.

Tədbirdə əvvəlcə torpaqlarımızın bütövlüyü uğrunda canından keçən şəhidlərin əziz xatirəsi bir dəqiqəlik sükutla yad edilib.

AZƏRTAC-ın bölgə müxbiri xəbər verir ki, universitetin rektoru, AMEA-nın müxbir üzvü, professor İbrahim Cəfərov magistrantlara tədqiqat işlərinin keyfiyyətinin artırılması ilə bağlı tövsiyələrini verərək, xarici dil bacarıqlarının inkişaf etdirilməsinin vacibliyindən danışıb.

Sonra Tədris işləri üzrə prorektor, dosent Anar Hətəmov, Tədris şöbəsinin müdiri Elay Zeynallı və Elm şöbəsinin müdiri Elçin Nəsirov tələbələrə magistratura səviyyəsində yeni qaydalar, elmi yanaşmalar, elmi araşdırmalarda müasir qaydaların tətbiqi haqqında ətraflı məlumat verib, aparılan tədqiqatlara mütəmadi nəzarət olunacağını bildiriblər.

Sonda tələbələrin sualları cavablandırılıb.

Qeyd edək ki, ADAU-da 2021/2022-ci tədris ilində magistratura səviyyəsinə 305 magistrant qəbul olub. Onlardan aqronomluq üzrə 6 ixtisasın 18 ixtisaslaşmasına 67, torpaqşünaslıq üzrə 2 ixtisasın 8 ixtisaslaşmasına 32, baytarlıq üzrə 2 ixtisasın 8 ixtisaslaşmasına 32, zoomühəndislik üzrə 2 ixtisasın 5 ixtisaslaşmasına 14, mühəndislik üzrə 8 ixtisasın 15 ixtisaslaşmasına 70, aqrotexnologiya üzrə 4 ixtisasın 7 ixtisaslaşmasına 20, aqrar iqtisadiyyat üzrə 2 ixtisasın 3 ixtisaslaşmasına 16, biznesin təşkili və idarə edilməsi üzrə 4 ixtisasın 10 ixtisaslaşmasına 54 magistrant qəbul olub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.