REGİONLAR


ADAU tələbələri edX platforması ilə əməkdaşlıq çərçivəsində 87 sertifikat əldə ediblər

Bakı, 5 avqust, AZƏRTAC

Azərbaycan Dövlət Aqrar Universiteti (ADAU) ilə edX platforması arasındakı əməkdaşlığın ilkin nəticələri açıqlanıb. İndiyədək ADAU üçün ayrılmış 5000 lisenziyadan 47 lisenziya aktivləşdirilərək istifadə edilib. Lisenziyaları aktivləşdirən istifadəçilərdən 41 nəfəri minimum 1 kursa qoşulub. İştirakçılar kursları müvəffəqiyyətlə bitirərək ümumilikdə 87 sertifikat əldə ediblər.

Bu barədə AZƏRTAC-a Kənd Təsərrüfatı Nazirliyinin İctimaiyyətlə əlaqələr və informasiya təminatı şöbəsindən məlumat verilib.

Bildirilib ki, iştirakçılar Harvard, University of Washington, University System of Maryland, Universitat Politècnica de València ali təhsil ocaqlarının, The Linux Foundation, TUDelft, IBM, Microsoft təşkilatlarının təqdim etdiyi biznes, biznesin idarəedilməsi, sahibkarlıq, kompüter bilikləri, araşdırma, iqlim dəyişiklikləri, texnologiya, liderlik istiqamətləri üzrə ingilis və ispan dilində olan kurslarda iştirak edərək yüksək nəticələr əldə ediblər.

ADAU ilə edX platforması arasındakı əməkdaşlıq 2021-ci il mart ayından başlayıb. İstifadəçilərin marağına səbəb olan bu təşəbbüs rəğbətlə qarşılanıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.