ELM VƏ TƏHSİL


ADNSU Ufa Dövlət Neft Texniki Universiteti ilə yeni elmi əməkdaşlıq əlaqələri qurur

Bakı, 12 dekabr, AZƏRTAC

Dekabrın 12-də Azərbaycan Dövlət Neft və Sənaye Universitetinin (ADNSU) rektoru, professor Mustafa Babanlı Ufa Dövlət Neft Texniki Universitetinin (UDNTU) rektoru, akademik Ramil Baxtizin ilə görüşüb.

ADNSU-dan AZƏRTAC-a bildirilib ki, əməkdaşlıq əlaqələrinin müzakirə olunduğu görüşdə M.Babanlı mübadilə prosesindən və yeni layihələrdən danışıb. UDNTU ilə sıx əməkdaşlığın olduğunu diqqətə çatdıran rektor yeni elmi əməkdaşlıq imkanlarından söz açıb.

ADNSU-da olmaqdan və akademik Azad Mirzəcanzadənin 90 illik yubileyinə həsr olunmuş tələbələrin 67-ci elmi texniki konfransında iştirakından məmnun olduğunu deyən R.Baxtizin yeni elmi əməkdaşlığın əhəmiyyətinə toxunub.

Daha sonra R.Baxtizin universitetin tarix muzeyində və Azad Mirzəcanzadə adına kabinetdə olub, fəxri qonaqlar kitabına ürək sözlərini yazıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.