ELM VƏ TƏHSİL
ADNSU ilə Konya Texniki Universiteti arasında memorandum imzalanıb
Bakı, 25 may, AZƏRTAC
Azərbaycan Dövlət Neft və Sənaye Universitetinin (ADNSU) rektoru professor Mustafa Babanlı Konya Texniki Universitetinin rektoru professor Babür Özçeliklə görüşüb.
ADNSU-dan AZƏRTAC-a bildirilib ki, görüşdə təhsil sahəsində görüləcək işlərdən, təhsil və tədrisin keyfiyyətinin qaldırılması istiqamətində əldə olunan yeniliklərdən danışılıb. Həmçinin mübadilə proqramlarının tətbiqi, iki universitet arasında əməkdaşlıq əlaqələrinin inkişafı ilə bağlı fikir mübadiləsi aparılıb.
Sonda tərəflər bu və digər istiqamətlər üzrə birgə əməkdaşlığın təmin olunması məqsədilə memorandum imzalayıblar.