ELM VƏ TƏHSİL


ADU-da Çin Yeni ilinə həsr olunmuş stolüstü tennis turniri keçirilib

Bakı, 7 fevral, AZƏRTAC

Azərbaycan Dillər Universitetində (ADU) Çinin Azərbaycandakı səfirliyinin əməkdaşları, ADU-nun Konfutsi İnstitutunun müəllim və tələbələri arasında dostluq xarakterli stolüstü tennis turniri keçirilib.

ADU-dan AZƏRTAC-a bildirilib ki, idman yarışı Çin Yeni ilinə - Bahar bayramına həsr olunub. ADU-nun Konfutsi İnstitutunun direktoru, professor Rafiq Abbasov Prezident İlham Əliyevin 2005-ci ildə Çinə rəsmi səfəri zamanı Çin Olimpiya Komitəsi ilə Azərbaycan Milli Olimpiya Komitəsi arasında idman-texniki əməkdaşlıq haqqında sazişin imzalanmasının idman sahəsində hər iki ölkənin münasibətlərinin inkişafının əsası olduğunu vurğulayıb. O, həmçinin qeyd edib ki, ADU-nun Konfutsi İnstitutu Azərbaycan Stolüstü Tennis Federasiyası ilə əməkdaşlığını inkişaf etdirməyi, tələbələrin bu idman növünə cəlb olunmasını, ixtisaslı məşqçi heyətinin mübadiləsini, idmanla bağlı birgə elmi seminarların təşkilini planlaşdırır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.