ELM VƏ TƏHSİL


ADU-da Silahlı Qüvvələr Günü qeyd edilib

Bakı, 25 iyun, AZƏRTAC

Azərbaycan Dillər Universitetinin (ADU) Azərbaycanşünaslıq Mərkəzi və Beynəlxalq münasibətlər və regionşünaslıq fakültəsinin nəzdində olan Regionşünaslıq kafedrasının birgə təşkilatçılığı ilə “Azərbaycan Ordusu xalqın və dövlətin dayağıdır” mövzusunda tədbir keçirilib.

ADU-dan AZƏRTAC-a bildirilib ki, 26 İyun - Silahlı Qüvvələr Gününün 104 illiyi münasibətilə təşkil edilən tədbirdə fakültənin dekanı İbrahim Kazımbəyli əsası Cümhuriyyət dövründə qoyulan Ordumuzun 44 günlük Vətən müharibəsində əldə etdiyi uğurlardan danışıb.

Regionşünaslıq kafedrasının dosenti Aqil Şahmuradov “Azərbaycan Ordusu xalqın və dövlətin dayağıdır” mövzusunda məruzə edib. O, silahlı qüvvələrimizin yaranması, inkişaf mexanizmi, uğurları haqqında ətraflı məlumat verib. Həmçinin Cümhuriyyət dövründə müsəlman olduğu üçün uzun müddət hərb sənətindən uzaqda qalmış bir xalqın o dövrün tələblərinə uyğun 40 minlik ordu yaratmasının gələcəyimizi müəyyən edən əsas addımlardan biri olduğunu qeyd edib.

Tədbirdə Azərbaycan Ordusunun hərbi qüdrətini əks etdirən videoçarxlar nümayiş olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.