ELM VƏ TƏHSİL


ADU-da seminar: “Hürufilik və Nəsimi yaradıcılığında multikulturalizm və tolerantlıq ideyaları”

Bakı, 18 aprel, AZƏRTAC

Azərbaycan Dillər Universitetinin (ADU) multikulturalizm elmi-tədqiqat laboratoriyasının təşkilatçılığı ilə İmadəddin Nəsiminin 650 illik yubileyinə həsr olunmuş “Hürufilik və Nəsimi yaradıcılığında multikulturalizm və tolerantlıq ideyaları” mövzusunda seminar keçirilib.

ADU-dan AZƏRTAC-a bildirilib ki, seminarda Azərbaycan ədəbiyyatı kafedrasının müdiri, akademik Muxtar İmanov “Nəsimi yaradıcılığında insan konsepsiyası” mövzusunda məruzə ilə çıxış edib.

Daha sonra multikulturalizm elmi-tədqiqat laboratoriyasının aparıcı elmi işçisi Afət Musayevanın “Azərbaycan ədəbiyyatında sufizm və multikultural ideyalar”, laboratoriyanın kiçik elmi işçisi Turan Kərimlinin “Qərb ədəbiyyatında sufizm və hürufiliyə baxış”, laboratoriyanın elmi işçisi Əli Fərhadovun “Fəzlullah Nəimi və İmadəddin Nəsimi yaradıcılığında multikultural dəyərlər” mövzularında məruzələri dinlənilib.

Seminarda ADU-nun elmi işlər üzrə prorektoru, filologiya üzrə elmlər doktoru Sevinc Zeynalova, filologiya və jurnalistika fakültəsinin tələbələri, həmçinin Bakı Musiqi Akademiyasının müəllim və tələbələri iştirak ediblər.

Sonda tələbələrin sualları cavablandırılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.